விபத்துக்குள்ளான காரிலிருந்து துப்பாக்கி மீட்பு

இன்று அதிகாலை வென்னப்புவ பிரதேசத்தில் விபத்துக்குள்ளான காரிலிருந்து 8 மி.மீற்றர் நீளமான துப்பாக்கியும் 8 ரவைகளும் மீட்கப்பட்டதாக பொலிஸ் ஊடகப் பிரிவு தெரிவித்துள்ளது.

மீட்கப்பட்ட கைத்துப்பாக்கியும் ரவைகளும் இத்தாலியில் தயாரிக்கப்பட்டதென்றும் பொலிஸார் தெரிவித்தனர்.

கொழும்பு- சிலாபம் வீதியில் நைனமடம் பாலத்துக்கருகில் இன்று அதிகாலை இடம்​பெற்ற கார் விபத்தில் 6 பேர் உயிரிழந்ததுடன், குறித்த காரை பொலிஸார் பரிசோதித்தப் போதே இந்தத் துப்பாக்கி மீட்கப்பட்டுள்ளது.

இந்த விபத்து தொடர்பான மேலதிக விசாரணைகளை வென்னப்புவ பொலிஸார் முன்னெடுத்து வருகின்றனர்.