கோழிகளிடையே பரவும் நோய்

(எப்.முபாரக்)

கந்தளாய் பிரதேசத்தில் வளர்ப்புக் கோழிகளுக்கு புதிய வகையான நோய் தீவிரமாக பரவி வருகின்றது.

இத்தகைய நோயின் தாக்கங்களுக்குள்ளாகும் கோழிகள் உறக்கம் கொண்டு பெரும்பாலும் ஓரிரு தினங்களில் இறந்து விடுகின்றன.

இந்நோயின் தாக்கம் கந்தளாய் பிரதேசத்தில் பேராலு, ஜெயந்திபுர, சூரியபுர, வானெல மற்றும் வட்டுக்கச்சி போன்ற பல பகுதிகளில் பெருகிக் காணப்படுகின்றது.

இதனால் இப்பிரதேசத்தில் கோழிகளின் விலை சரிந்து காணப்படுவதோடு, இக்கோழிகள் நோய்த் தாக்கம் ஏற்படுவதற்கு முன்னர் உணவுக்காக வெட்டப்பட்டு விற்பனை செய்யப்பட்டு வருவதாகவும் தெரிவிக்கப்படுகின்றது.