கிழக்கு மாகாண சபை வரவு செலவு திட்டம் செவ்வாயன்று முன்வைக்கப்படும்

(றிப்தி அலி)

2011ஆம் ஆண்டுக்கான கிழக்கு மாகாண சபையின் வரவு செலவுத் திட்டம் எதிர்வரும் செவ்வாய்க்கிழமை முதலைமைச்சர் சிவநேசதுரை சந்திரகாந்தனால் முன்க்கப்படவுள்ளது.

தொடர்ந்து நான்கு நாட்களுக்கு இடம்பெறவுள்ள வரவு செலவு திட்ட விவாதத்தில் ஆளுநருக்கான நிதியொதுக்கீடு, முதலமைச்சருக்கான நிதியொதுக்கீடு மற்றும் ஏனைய அமைச்சுக்களுக்கான நிதி ஒதுக்கீடு தொடர்பிலான விவாதங்கள் இடம்பெறவுள்ளன.

இம்முறைய வரவு செலவு திட்டத்தில் கிழக்கு மாகாண சபையின் உத்தேச வருமானமாக 1726 கோடியே 753ஆயிரம் ரூபாவும் உத்தேச செலவாக 1349 கோடியே 27 லட்சத்து 53 ஆயிரம் ரூபாவும் இருக்குமென எதிர்பார்க்கப்படுகின்றது.

அத்துடன் மாகாண வீதி அபிவிருத்திக்கென ஆசிய அபிவிருத்தி வங்கி 117 கோடி 50 லட்சமும் உலக அபிவிருத்தி வங்கி 86 கோடி 30 லட்சம் ரூபாவும் வழங்குமென எதிர்பார்க்கப்படுகின்றது.

ஜெய்கா திட்டத்தின் ஊடாக கிராம வீதி அபிவிருத்திக்காக 149 கோடி ரூபாவும்நீர் வழங்கல் திட்டத்திற்காக 24 கோடி ரூபாவும் கிடைக்குமென எதிர்பார்க்கப்படுகின்றது.

கிழக்கு மாகாண சபையின் 2011ஆம் ஆண்டுக்கான  வரவு செலவுத் திட்ட வாக்கெடுப்பு எதிர்வரும் வெள்ளிக்கிழமை நண்பகல் இடம்பெறவுள்ளது.