கிண்ணியாவில் வெடிப் பொருட்கள் மீட்பு

(எஸ்.எஸ்.குமார், சுபுன்டயஸ், எம்.பரீட் )

கிண்ணியா பிரதேசத்தில் மகாவலி கங்கைக்கருகில் மறைத்துவைக்கப்பட்டிருந்த நிலையில் 4 ½   கிலோ நிறையுடைய 3 கிளைமோர்கள்,  5 மிதிவெடிகள்,  5 கைக்குண்டுகள் ,  80 டெட்டனேட்டர் குச்சுகள்,  சி-4 ரக 1800 கிராம் வெடிமருந்து என்பன பொலிஸாரினால் கைப்பற்றப்பட்டுள்ளன.

திருகோணமலை சீனக்குடா பொலிஸாருக்குக் கிடைத்த இரகசிய தகவலொன்றின் அடிப்படையில் திருகோணமலை பொலிஸ் அத்தியட்சகர்  ரத்மல் பண்டாரவின் வழிக்காட்டலில்  சீனக்குடா பொலிஸ் அதிகாரி ஆர்.கே.அனுரபிரேமரட்ன தலைமையிலான குழுவினர்  நேற்று மாலை இந்த சோதனை நடவடிக்கைகளை மேற்கொண்டபோதே இப்பொருட்கள் கைப்பற்றப்பட்டுள்ளன.

இதுதொடர்பான விசாரணைகளை கிண்ணியா பொலிஸாரும் சீனக்குடா பொலிஸாரும் இணைந்து மேற்கொண்டு வருகின்றனர்.