மாணவர்களின் மாதிரி சந்தை கண்காட்சி

(எப்.முபாரக்)

கிண்ணியா முஸ்லிம் மகளிர் மகா வித்தியாலய 5ஆம் ஆண்டு மாணவி;களினால் ஏற்பாடு செய்யப்பட்ட மாதிரி சந்தை கண்காட்சி இன்று சனிக்கிழமை பாடசாலை மைதானத்தில் சிறப்பாக நடைபெற்றது.

இக்கண்காட்சியை காலை 9 மணிக்கு வித்தியாலய அதிபர் ஏ.ஜே.றூமி உத்தியோகபூர்வமாக ஆரம்பித்துவைத்தார்.

அதனைத் தொடர்ந்து ஆசிரியர்களும் ஏனைய மாணவிகளும் கண்காட்சியைப் பார்வையிட்டு பொருட்களைக் கொள்வனவு செய்தனர்.

5ஆம் தர மாணவிகளின் பொறுப்பாசிரியர்களான ஏ.எச்.சுமையா, எம்.ரி.நளீரா, எம்.இசட்.எப்.பர்ஹானா ஆகியோரின் வழிகாட்டலின் கீழ் இவ்வைபவம் ஏற்பாடு செய்யப்பட்டிருந்தமை குறிப்படத்தக்கது.