சரக்கு ரயில் யானையுடன் மோதல்

(எஸ்.எஸ்.குமார்)

கல்லோயாவிலிருந்து, திருகோணமலை நோக்கி வந்த சரக்கு ரயில் யானையொன்றுடன் மோதியதில் ரயில் வண்டி தடம்புரண்டுள்ள அதேவேளை, குறித்த யானையும் உயிரிழந்துள்ளது.

தம்பலகாமம் பிரதேச செயலாளர் பிரிவில் முத்துநகர் என்ற இடத்தில் இச்சம்பவம் நடைபெற்றுள்ளது.

இதன் காரணமாக திருகோணமலை கொழும்பு  புகையிரத சேவைகள்  கந்தளாய் வரை நடத்தப்படுகின்றது.  மீட்புப் பணிகளில் புகையிரத திணைக்கள அதிகாரிகள் ஈடுபட்டுள்ளனர்.