கசிப்பு உற்பத்தி நிலையம் முற்றுகை; மூவர் கைது

-தீசான் அஹமட்

திருகோணமலை, மூதூர் பொலிஸ் பிரிவுக்குட்பட்ட கங்குவேலி முதலைமடு காட்டுப்பகுதியில் சட்டவிரோதமாக இயங்கிவந்த கசிப்பு உற்பத்தி  நிலையத்தை இன்று செவ்வாய்க்கிழமை முற்றுகையிட்டுள்ள பொலிஸார், சந்தேக நபர்கள் 3 பேரைக் கைதுசெய்துள்ளனர்.

இதன்போது, கசிப்புடன் 4 பரல்களையும் கசிப்புக் காய்ச்சுவதற்கு பயன்படுத்தப்படும் கோடாவுடன் 9 பரல்களையும் கைப்பற்றியதாக பொலிஸார் தெரிவித்தனர்.

குறித்த காட்டுப்பகுதியில் கசிப்பு உற்பத்தி நிலையமொன்று இயங்குவதாக கிடைத்த தகவலை அடுத்து, இந்த முற்றுகை மேற்கொள்ளப்பட்டது.