கட்டாக்காலி மாடுகளால் போக்குவரதுப் பாதிப்பு

கிண்ணியா பிரதான  வீதி, மட்டக்களப்பு வீதிகள் ஊடாக  கட்டாக்காலி மாடுகள் பகலிலும் இரவிலும் நடமாடுவதால் போக்குவரத்தில்  பல்வேறு அசௌகரியங்களை  எதிர்நோக்குவதாக  பொதுமக்கள் விசனம்  தெரிவிக்கின்றனர்.

குறித்த வீதிகளில், இரவு வேளையில், வீதி விளக்குகளின் ஒளி பிரகாசமின்மையாலும் வீதிகளில் திரியும் கட்டாக்காலி மாடுகள் குறுக்காகப் பாய்ந்து திரிவதனாலும் வாகனங்களுடன் மோதி அதிகளவான விபத்துகள் ஏற்படுகின்றன.

எனவே, இந்தக் கட்டாக்காலி மாடுகளைக் கட்டுப்படுத்த உரியவர்கள் நடவடிக்கையெடுக்க வேண்டுமென, பொதுமக்கள் கோரிக்கை விடுக்கின்றனர்.