கலந்துரையாடலும் ஆலோசனைக்கூட்டமும்

-அப்துல்சலாம் யாசீம்

திருகோணமலை மாவட்டத்தில் புதிதாக தெரிவு செய்யப்பட்டுள்ள உள்ளூராட்சிமன்றங்களின் பிரதிநிதிகளுக்கான கலந்துரையாடலும் ஆலோசனைக்கூட்டமும் நாளை (28) காலை 10.00மணிக்கு சம்பூர் கலாசார மண்டபத்தில் நடைபெறவுள்ளது.

கிழக்கு மாகாண உள்ளூராட்சி திணைக்களத்தினால் ஏற்பாடு செய்யப்பட்டுள்ள இக்கலந்துரையாடலில் மன்றங்களின் நடவடிக்கைகள் சம்பந்தமாகவும் சபைகளின் ஒழுங்கு விதிமுறைகள் சம்பந்தமாகவும், உள்ளூராட்சி மன்றங்கள் எதிர்நோக்கும் பிரச்சினைகளை எவ்வாறு தீர்ப்பது தொடர்பாகவும் கலந்துரையாடப்பபடவுள்ளதாக கிழக்கு மாகாண உள்ளூராட்சி ஆணையாளர் எம்.வை.சலீம் தெரிவித்தார்.

இக்கலந்துரையாடலில் கிழக்கு மாகாண ஆளுநர் ரோஹித போகொல்லாகம கலந்துகொள்ளவுள்ளமை குறிப்பிடத்தக்கது.