காணாமல்போனோர் அலுவலகத்தின் அதிகாரிகள் திருகோணமலைக்கு விஜயம்

அப்துல்சலாம் யாசீம், வடமலை ராஜ்குமாா்,ஹஸ்பர் ஏ ஹலீம்

காணாமல்போனோர் தொடர்பான அலுவலகத்தின் அதிகாரிகள், எதிர்வரும் 13ஆம் திகதி, திருகோணமலைக்கு விஜயம் செய்யவுள்ளனர்.

இதன்போது, திருகோணமலை - உவர்மலை இந்து கலாசார மண்டபத்தில், காலை 9 மணிக்கு, காணாமல் போனோரின் உறவுகளையும், மதியம் 2 மணிக்கு சிவில் அமைப்புகளின் பிரதிநிதிகளையும் சந்தித்துக் கலந்துரையாடவுள்ளனர்.

இவ்வலுவலகத்தின் பொதுமக்கள் சந்திப்பு நடவடிக்கையின் முதலாவது கட்டத்தில், திருகோணமலை தவிர, கிழக்கு மாகாணத்தின் மட்டக்களப்பு, அம்பாறை மாவட்டங்களுக்கும் அவர்கள் விஜயம் செய்யவுள்ளமை குறிப்பிடத்தக்கது.