கிழக்கு மாகாண நிர்வாகத்தில் மாற்றங்கள்

கிழக்கு மாகாண சபையில்அபிவிருத்தி செயற்பாடுகளை  மேம்படுத்தும் நோக்கில், நிர்வாகத்தில் சில மாற்றங்கள் செய்யப்பட்டுள்ளன.

அதனடிப்படையில், கிழக்கு மாகாண பொதுச் சேவைகள் ஆணைக்குழுவின் செயலாளராக எம்.வை.சலீம், கிழக்கு மாகாண ஆளுநர் ரோஹித போகொல்லாகமவால் இன்று (02) நியமிக்கப்பட்டுள்ளார்.

அத்துடன், மாகாண உள்ளூராட்சி ஆணையாளரின் வெற்றிடத்துக்காக மட்டக்களப்பு மாநகர ஆணையாளர் என். மணிவண்ணன், மாகாண உள்ளூராட்சி ஆணையாளராக நியமிக்கப்பட்டுள்ளார்.

இதேவேளை, கிழக்கு மாகாணத்தில் பொதுச் சேவைகள் ஆணைக்குழுவின் செயலாளராக முஸ்லிம் ஒருவர் நியமிக்கப்பட்டமை இதுவே முதல் தடவை எனத் தெரியவருகின்றது.

கிழக்கு மாகாணத்தில் இன ஒற்றுமையையும் சம நல்லிணக்கத்தையும் நல்லாட்சியையும் மேம்படுத்தும் நோக்கில், மாகாண ஆளுநர் ரோஹித போகொல்லாகம இவ்வாறான செயற்பாடுகளில் ஈடுபட்டு வருவதாகத் தெரிவிக்கப்படுகின்றது.