விபத்தில் எழுவர் காயம்

-எஸ்.சசிக்குமார்

திருகோணமலை -புத்தளம் வீதியில் கன்னியா பகுதியில் இன்று வெள்ளிக்கிழமை முற்பகல் இடம்பெற்ற விபத்தில் 7 பேர் காயமடைந்த நிலையில், திருகோணமலை பொது வைத்தியசாலையில் அனுமதிக்கப்பட்டுள்ளனர்.

சொகுசு பஸ்ஸும்; உழவு இயந்திரமும் மோதியே இந்த விபத்து இடம்பெற்றுள்ளது.

ஜாஎல பிரதேசத்தைச் சேர்ந்தவர்கள் 3 நாள் விடுமுறையைக் களிப்பதற்காக திருகோணமலைக்கு  குறித்த பஸ்ஸில் வந்திருந்த வேளையிலேயே விபத்துக்கு உள்ளானார்கள்.

இவ்விபத்துத் தொடர்பில் பொலிஸார் விசாரணையை முன்னெடுத்துள்ளனர்.