விபத்தில் பெண் பலி; ஒருவர் தலைமறைவு

திருகோணமலை, புல்மோட்டை பிரதான வீதி, இக்பால் நகர் பகுதியில் பெண்​ணொருவர் மீது மோட்டார் சைக்கிளொன்று மோதி விபத்துக்குள்ளானதில் அப்பெண், நேற்று  (23) இரவு உயிரிழந்தார் என, நிலாவெளிப் பொலிஸார் தெரிவித்தனர்.
இவ்வாறு உயிரிழந்தவர், அப்துல்ஹமீட் சஹீது உம்மா (வயது 76) எனவும், மோட்டார் சைக்கிளை ஓட்டிச் சென்றவர் தலைமறைவாகியுள்ளார் எனவும், அவருடன் சென்ற இளைஞனைக் கைது செய்து, மோட்டார் சைக்கிளைக் கைப்பற்றியுள்ளதாகவும் பொலிஸார் தெரிவித்தனர்.
மேலதிக விசாரணைகளை, நிலாவெளிப் பொலிஸார் மேற்கொண்டு வருகின்றனர்.