ஹெரோய்னுடன் ஒருவர் கைது

தீசான் அஹமட்

திருகோணமலை, கந்தளாய் தலைமை பொலிஸ் பிரிவுக்குட்பட்ட கந்தளாய் பிரதான வீதியில் வைத்து, 8 கிராம் ஹெரோய்னுடன் நபரொருவரைக் கைதுசெய்துள்ளதாக, கந்தளாய் தலைமையகப் பொலிஸார் தெரிவித்தனர்.

கைது செய்யப்பட்டவர் கந்தளாய் ஆரியவம்ச மாவத்தையைச் சேர்ந்த 40 வயதுடையவர் எனத் தெரிவித்த பொலிஸார்,

ஹெரோய்ன் போதைப் பொருளுடன,; பிரதான வீதியில் நபரொருவர் நடமாடுவதாகப் பொலிஸாருக்கு கிடைக்கப் பெற்ற இரகசிய தகவலின் பிரகாரம், இவரைச் சோதனைக்குட்படுத்திய போதே அவர், கைது செய்யப்பட்டார்.

கைது செய்யப்பட்ட நபரை, கந்தளாய் நீதவான் நீதிமன்றத்தில் ஆஜர்படுத்துவதற்கான ஏற்பாடுகளை மேற்கொண்டு வருவதாகவும் கந்தளாய் தலைமையக பொலிஸார் தெரிவித்தனர்.