மத்திய செயற்குழுக்கூட்டம் கூடியது

தமிழரசு கட்சியின் மத்திய செயற்குழு கூட்டம் வவுனியாவிலுள்ள தனியார் விருந்தினர் விடுதியொன்றில் இன்று  ஞாயிற்றுக்கிழமை (05) நடைபெறுகிறது.    

தமிழரசு கட்சியின் தலைவர் மாவை சேனாதிராசா தலைமையில் நடைபெற்றுவரும் இக்கூட்டத்தில் செயலாளர் ப.சத்தியலிங்கம், பாராளுமன்ற உறுப்பினர்களான எம்.ஏ.சுமந்திரன், சி.சிறிதரன், இரா.சாணக்கியன், முன்னாள் பாராளுமன்ற உறுப்பினர் சாந்தி சிறிஸ்கந்தராசா மற்றும் சில முக்கியஸ்தர்கள் கலந்துகொண்டுள்ளனர்.  

இக்கூட்டத்தில் தமிழரசு கட்சியின் மாநாடு, சமகால அரசியல் நிலைமைகள், திருகோணமலை மாவட்ட பாராளுமன்ற உறுப்பினர் விவகாரம், கூட்டமைப்பு தலைவர் இரா.சம்மந்தன் விவகாரம், காணி அபகரிப்பு உள்ளிட்ட பல விடயங்கள் கலந்துரையாடப்படவுள்ளதாக தெரிவிக்கப்பட்டுள்ளது.