'எனது காலத்தின் மிகச்சிறந்த பெறுபேறு'

இந்திய அணிக்கெதிராக, இந்தியாவில் வைத்துப் பெறப்பட்ட வெற்றி - தோல்வியற்ற முடிவு, தனது பயிற்சிக் காலத்தின் கீழ் இங்கிலாந்து அணி வெளிப்படுத்திய மிகச்சிறப்பான பெறுபேறு என, இங்கிலாந்து அணியின் பயிற்றுநர் ட்ரெவர் பெய்லிஸ் தெரிவித்துள்ளார்.

2015ஆம் ஆண்டு ஆஷஸுக்கு முன்னர் நியமிக்கப்பட்ட பெய்லிஸின் கீழ், அவுஸ்திரேலியாவுக்கு எதிராகவும் தென்னாபிரிக்காவுக்கு எதிராகவும் சிறப்பான வெற்றிகள் பெறப்பட்டுள்ள போதிலும், இந்த வெற்றி - தோல்வியற்ற முடிவையே, அவர் சிறந்த பெறுபேறு என வர்ணித்துள்ளார்.

பங்களாதேஷில் வைத்து, அவ்வணிக்கெதிராகப் பெறப்பட்ட டெஸ்ட் தோல்விக்குப் பின்னர், இந்தப் பெறுபேறு பெறப்பட்டுள்ளமை குறிப்பிடத்தக்கது.