1,000ஆவது வெற்றியைப் பெற்ற நடால்

தொழில்முறை டென்னிஸ் வீரர்கள் சங்க சுற்றுப்பயண போட்டிகளில் 1,000ஆவது வெற்றியை உலகின் இரண்டாம்நிலை வீரரான ரஃபேல் நடால் பெற்றுக் கொண்டார்.

பிரெஞ்சுத் தலைநகர் பரிஸில் நடைபெற்றுவரும் பரிஸ் மாஸ்டர்ஸ் தொடரின் தனது இரண்டாவது சுற்றுப் போட்டியில் சக ஸ்பானியரான பெலிசியானோ லொபெஸை 4-6, 7-6 (7-6), 6-4 என்ற செட் கணக்கில் நேற்று வென்றதன் மூலமே தனது 1,000ஆவது வெற்றியை ஸ்பெய்னின் நடால் பதிவுசெய்துகொண்டார்.

ஐக்கிய அமெரிக்காவின் ஜிம்மி கோனர்ஸ் 1,274 வெற்றிகளுடன் முதலாமிடத்திலும், சுவிற்ஸர்லாந்தின் ரொஜர் பெடரர் 1,242 வெற்றிகளுடன் இரண்டாமிடத்திலும், செக் குடியரசின் இவான் லென்டிஸ் 1,068 வெற்றிகளுடன் மூன்றாமிடத்திலும் அதிக வெற்றிகளைப் பெற்றுக் கொண்டோரில் நடாலுக்கு முன்னாலுள்ளனர்.