19 வயதுக்குட்பட்ட இலங்கை அணி வெற்றி

இலங்கை, அவுஸ்திரேலியா 19 வயதுக்குட்பட்ட அணிகளுக்கான இளையவர் ஒருநாள் சர்வதேசக் கிரிக்கெட் போட்டியில் இலங்கை அணி 23 ஓட்டங்களினால் வெற்றி பெற்றுள்ளது. கொழும்பு பி. சரவணமுத்து மைதானத்தில் நடைபெற்ற இந்தப் போட்டியில் முதலில் துடுப்பாடிய இலங்கை 19 வயதுக்குட்பட்ட அணி 50 ஓவர்களில் 9 விக்கெட்களை இழந்து 240 ஓட்டங்களைப் பெற்றது. இதில் பசிந்து இசிர 50 ஓட்டங்களையும், வனிது ஹர்சனஹே டி சில்வா 43 ஓட்டங்களையும், அவிஸ்க பெர்னாண்டோ 41 ஓட்டங்களையும் பெற்றனர். பந்துவீச்சில் சாம் க்ரிம்வடே 3 விக்கெட்களையும், ஜொண்டி பட்டிசன், கிளின்ட் ஹிஞ்ச்லிப் ஆகியோர் தலா 2 விக்கெட்களையும் கைப்பற்றினர்.   

 

பதிலுக்கு துடுப்பாடிய அவுஸ்திரேலியா 19 வயதுக்குட்பட்ட அணி 48.1 ஓவர்களில் சகல விக்கெட்களையும் இழந்து 217 ஓட்டங்களைப் பெற்றது. கிளின்ட் ஹிஞ்ச்லிப் 64 ஓட்டங்களையும், லியாம் பந்த்ரோப் 47 ஓட்டங்களையும் பெற்றனர். பந்துவீச்சில் தமித் சில்வா 4 விக்கெட்களையும், சாமிக கருனாரட்ன, ரவிந்து திலகரட்ன ஆகியோர் தலா 2 விக்கெட்களைக் கைப்பற்றினர். 

 

6 போட்டிகள் அடங்கிய தொடரின் மூன்றாவது போட்டியில் இலங்கை அணி வெற்றி பெற்று 1 இற்கு 0 என முன்னிலை பெற்றுள்ளது.