கொல்கொத்தா நைட் ரைடேர்ஸ் அணி வெற்றி

கொல்கொத்தா நைட் ரைடேர்ஸ் மற்றும் மற்றும் சென்னை சுப்பர் கிங்ஸ் அணிகளுக்கிடையில் நடைபெற்ற போட்டியில் கொல்கொத்தா நைட் ரைடேர்ஸ் அணி 8 விக்கெட்களினால் வெற்றி பெற்றது. இந்தப் போட்டியில் முதலில் துடுப்பாடிய சென்னை சுப்பர் கிங்ஸ் அணி 20 ஓவர்களில் 4 விக்கெட்களை இழந்து 154 ஒட்டங்களைப் பெற்றது. இதில் சுரேஷ் ரெய்னா 67 ஓட்டங்களையும், பிரன்டன் மக்கலம் 28 ஓட்டங்களையும் பெற்றனர். பந்துவீச்சில் பட் கம்மின்ஸ், சுனில் நரையன், பியுஷ் சவ்லா ஆகியோர் தலா ஒவ்வொரு விக்கெட்களைக் கைப்பற்றினார். 

 

கொல்கொத்தா நைட் ரைடேர்ஸ் அணி பதிலுக்கு துடுப்பாடி 19.4 ஓவர்களில் 2 விக்கெட்களை இழந்து 161 ஓட்டங்களைப் பெற்றது. இதில் ரொபின் ஊத்தப்பா 39 பந்துகளில் 67 ஓட்டங்களையும், ஷகிப் அல் ஹசன் ஆட்டமிழக்காமல் 21 பந்துகளில் 46 ஓட்டங்களையும் பெற்றனர். போட்டியின் நாயகனாக ரொபின் ஊத்தப்பா தெரிவானார்.

 

கொல்கொத்தா நைட் ரைடேர்ஸ் அணி விளையாடியுள்ள 12 போட்டிகளில் 7 வெற்றிகளைப் பெற்று 14 புள்ளிகளுடன் நான்காமிடத்திலுள்ளது. சென்னை சுப்பர் கிங்ஸ் அணி 12 போட்டிகளில் 8 இல் வெற்றி பெற்று 16 புள்ளிகளுடன் இரண்டாமிடத்தில் தொடர்கின்றது.