பிரித்தானியாவை வென்றது அவுஸ்திரேலியா

பிஷாம் அபேயில் நடந்த இரண்டாவது போட்டியில், அவுஸ்திரேலியா 6 : 1 என்ற கோல் கணக்கில் பெரிய பிரித்தானியாவை வீழ்த்தியது. அவுஸ்திரேலியா  சார்பாக கிறிஸ் சிரியல்லோ இரண்டு கோல்களைப் பெற்றதோடு, சைமோன் ஒச்சார்ட், பிளேக் கவர்ஸ், ஜெமி டுவையர், அரன் சலவ்ஸ்கி ஆகியோர் தலா ஒவ்வொரு கோலைப் பெற்றனர். பெரிய பிரித்தானியா பெற்ற ஒரு கோலினை கிறிஸ் கிறிபித்ஸ் பெற்றிருந்தார். 

முதலாவது போட்டியில் பெரிய பிரித்தானியா 3 : 1 என்ற ரீதியில் அவுஸ்திரேலியாவை வீழ்த்தியிருந்தமை குறிப்பிடத்தக்கது. இரண்டாவத போட்டியில் அவுஸ்திரேலியா வெற்றிபெற்றதையடுத்து, இத்தொடர் சமநிலையில் முடிவடைந்தது. 

வரும் சனிக்கிழமை பெல்ஜியத்தில் இடம்பெறவுள்ள உலக லீக் அரையிறுதிப்போட்டி ஆரம்பத்துக்கு, பெரிய பிரித்தானியா பயணமாகிறது. மேற்படி போட்டி ஒலிம்பிக் போட்டிகளுக்கும் தகுதி பெறும் போட்டியாகவும் காணப்படுகிறது.