அடுத்த உலகக் கிண்ணத்திலும் றோஹித்தே தலைவர்

இவ்வாண்டு நடைபெறவுள்ள சர்வதேச கிரிக்கெட் சபையின் இருபதுக்கு – 20 உலகக் கிண்ணத் தொடரிலும் இந்தியாவுக்கு றோஹித் ஷர்மாவே தலைமை தாங்குவாரென இந்திய கிரிக்கெட் கட்டுப்பாட்டுச் சபையின் செயலாளர் ஜே ஷா தெரிவித்துள்ளார்.

கடந்த இருபதுக்கு – 20 உலகக் கிண்ணத் தொடருக்குப் பின்னர் இருபதுக்கு – 20 சர்வதேசப் போட்டிகளில் பங்கேற்றிருக்காத ஷர்மா, இவ்வாண்டு ஜனவரி மாதம் நடைபெற்ற ஆப்கானிஸ்தானுக்கெதிரான தொடரின்போதே அணிக்குத் திரும்பியிருந்தார்.

இதேவேளை நீண்ட எதிர்காலத்தில் இந்திய அணிக்கு ஹர்திக் பாண்டியா தலைமை தாங்குவாரென்ற கருத்தையும் ஷா வெளிப்படுத்தியிருந்தார்.