அத்லெட்டிக் பில்பாவோவிடம் தோற்றது செவில்லா

ஸ்பானியக் கால்பந்தாடக் கழகங்களுக்கிடையிலான லா லிகா தொடரில், செவில்லாவின் மைதானத்தில் இன்று அதிகாலை நடைபெற்ற அவ்வணிக்கும், அத்லெட்டிக் பில்பாவோவுக்குமிடையிலான போட்டியில், 0-1 என்ற கோல் கணக்கில் அவ்வணி தோற்றிருந்தது.

பில்பாவோ சார்பாகப் பெறப்பட்ட கோலை இனகி வில்லியம்ஸ் பெற்றிருந்தார்.

அந்தவகையில், லா லிகா புள்ளிகள் தரவரிசையில் 76 புள்ளிகளுடன் முதலாமிடத்தில் அத்லெட்டிகோ உள்ளது. 74 புள்ளிகளுடன் இரண்டாமிடத்தில் நடப்புச் சம்பியன்களான றியல் மட்ரிட்டும், அதே புள்ளிகளுடனும் ஆனால் றியல் மட்ரிட்டுடனான மோசமான முடிவு காரணமாக மூன்றாமிடத்தில் பார்சிலோனாவும், 70 புள்ளிகளுடன் நான்காமிடத்தில் செவில்லாவும் காணப்படுகின்றன.