ஆர்ஜென்டீனாவை வென்றது பிரேஸில்

சவூதி அரேபியாவில் நேற்று இடம்பெற்ற சிநேகபூர்வ கால்பந்தாட்டப் போட்டியொன்றில் 1-0 என்ற கோல் கனக்கில் ஆர்ஜென்டீனாவை பிரேசில் வென்றது. பிரேசில் சார்பாகப் பெறப்பட்ட கோலை மிரான்டா பெற்றிருந்தார்.

இந்நிலையில், பெல்ஜியத்தில் இலங்கை நேரப்படி இன்று அதிகாலை இடம்பெற்ற பெல்ஜியம், நெதர்லாந்து அணிகளுக்கிடையிலான போட்டியில் இரண்டு அணிகளும் தலா ஒவ்வொரு கோலைப் பெற்றிருந்த நிலையில் 1-1 என்ற கோல் கணக்கில் போட்டி சமநிலையில் முடிவடைந்தது. பெல்ஜியம் சார்பாகப் பெறப்பட்ட கோலை ட்ரைஸ் மேர்ட்டன்ஸும் நெதர்லாந்து சார்பாகப் பெறப்பட்ட கோலை அர்னோத் குறோவிகாட் பெற்றிருந்தார்.

இதேவேளை, நேற்று இடம்பெற்ற ஜப்பானுடனான சிநேகபூர்வ போட்டியில் 3-4 என்ற கோல் கணக்கில் உருகுவே தோல்வியடைந்ததோடு, இலங்கை நேரப்படி நேற்று அதிகாலை இடம்பெற்ற போட்டியில் 0-1 என்ற கோல் கணக்கில் சிலியிடம் மெக்ஸிக்கோ தோல்வியடைந்தது.