இத்தாலிய சீரி ஏ தொடர்: சமநிலையில் இன்டர் – டொரினோ போட்டி

இத்தாலிய சீரி ஏ தொடரில், டொரினோவின் மைதானத்தில் ஞாயிற்றுக்கிழமை (26) நடைபெற்ற அவ்வணியுடனான போட்டியை 2-2 என்ற கோல் கணக்கில் இன்டர் மிலன் சமப்படுத்தியது.

இன்டர் சார்பாக மார்க்கஸ் துராம், யன் ஒரெல் பிஸ்ஸெக் ஆகியோர் தலா ஒவ்வொரு கோலைப் பெற்றனர். டொரினோ சார்பாக ஜியோவனி சிமியோன், நிகொலா விளாசிச் ஆகியோர் தலா ஒவ்வொரு கோலைப் பெற்றனர்.

இதேவேளை தமது மைதானத்தில் திங்கட்கிழமை (27) நடைபெற்ற ஜுவென்டஸுடனான போட்டியை 0-0 என்ற கோல் கணக்கில் ஏ.சி மிலன் சமப்படுத்தியது.

சீரி ஏ புள்ளிகள் பட்டியலில் இன்டர் மிலன் 79 புள்ளிகளைப் பெற்றுள்ளது. 69 புள்ளிகளுடன் இரண்டாமிடத்தில் நடப்புச் சம்பியன்களான நாப்போலியும், 67 புள்ளிகளுடன் மூன்றாமிடத்தில் ஏ.சி மிலனும் 64 புள்ளிகளுடன் நான்காமிடத்தில் ஜுவென்டஸும் உள்ளன.