இந்தியாவை வென்றது தென்னாபிரிக்கா

இந்திய, தென்னாபிரிக்க அணிகளுக்கிடையிலான ஒருநாள் சர்வதேசப் போட்டித் தொடரின் 3ஆவது போட்டியில் தென்னாபிரிக்க அணி வெற்றிபெற்றுள்ளது.

ராஜ்கொட்டில் இடம்பெற்ற இப்போட்டியில் முதலில் துடுப்பெடுத்தாடிய தென்னாபிரிக்க அணி, குயின்டன் டீ கொக்கின் 103, பப் டு பிளெஸிஸின் 60 ஓட்டங்களின் துணையோடு 50 ஓவர்களில் 7 விக்கெட்டுகளை இழந்து 270 ஓட்டங்களைப் பெற்றது.

பந்துவீச்சில் மோகித் ஷர்மா 2 விக்கெட்டுகளைக் கைப்பற்றினர்.

272 ஓட்டங்களை வெற்றி இலக்காகக் கொண்டு துடுப்பெடுத்தாடிய இந்திய அணி, 50 ஓவர்களில் 6 விக்கெட்டுகளை இழந்து 252 ஓட்டங்களை மாத்திரம் பெற்றுத் தோல்வியடைந்தது.

விராத் கோலி 77, றோகித் ஷர்மா 65, மகேந்திரசிங் டோணி 47 ஓட்டங்களைப் பெற்றனர்.

பந்துவீச்சில், மோர்னி மோர்க்கல் 4 விக்கெட்டுகளைக் கைப்பற்றினார்.