இந்தியத் தொடருடன் ஓய்வு பெறுகிறார் குக்

இந்தியாவுக்கெதிரான இலண்டன் ஓவல் மைதானத்தில் எதிர்வரும் வெள்ளிக்கிழமை ஆரம்பமாகவுள்ள டெஸ்ட் போட்டியுடன் சர்வதேச கிரிக்கெட்டிலிருந்து ஓய்வுபெறவுள்ளதாக இங்கிலாந்தின் முன்னாள் தலைவர் அலிஸ்டயர் குக் அறிவித்துள்ளார்.

160 டெஸ்ட் போட்டிகளில் விளையாடி 44.88 என்ற சராசரியில் 12,254 ஓட்டங்களை 33 வயதான குக் குவித்துள்ளபோதும் இவ்வாண்டு விளையாடிய ஒன்பது டெஸ்ட்களில் 18.62 என்ற சராசரியிலேயே ஓட்டங்களைப் பெற்றிருந்தார்.

இதேவேளை, 92 ஒருநாள் சர்வதேசப் போட்டிகளில் விளையாடி, 36.4 என்ற சராசரியில் 3,204 ஓட்டங்களைப் பெற்றுள்ள குக், நான்கு இருபதுக்கு – 20 சர்வதேசப் போட்டிகளிலும் விளையாடியிருக்கிறார்.