இரண்டாமிடத்துக்கு முன்னேறிய அகீல் ஹொஸைன்

சர்வதேச கிரிக்கெட் சபையின் இருபதுக்கு – 20 சர்வதேசப் போட்டிகளுக்கான பந்துவீச்சாளர்களின் தரவரிசையில் இரண்டாமிடத்துக்கு மேற்கிந்தியத் தீவுகளின் சுழற்பந்துவீச்சாளர் அகீல் ஹொஸைன் முன்னேறியுள்ளார்.

தென்னாபிரிக்காவுக்கெதிரான முதலிரண்டு போட்டிகளில் 3 விக்கெட்டுகளைக் கைப்பற்றியமையைத் தொடர்ந்தே ஆறாமிடத்திலிருந்து நான்கு இடங்கள் முன்னேறி இரண்டாமிடத்தை ஹொஸைன் அடைந்துள்ளார்.

இதேவேளை, குறித்த போட்டிகளில் ஒரு விக்கெட்டைக் கைப்பற்றிய மே. தீவுகளின் இன்னொரு சுழற்பந்துவீச்சாளர் குடகேஷ் மோட்டி, 13ஆம் இடத்திலிருந்து 10 இடங்கள் முன்னேறி மூன்றாமிடத்தையடைந்துள்ளார்.

முதல் 10 பந்துவீச்சாளர்களின் தரவரிசை பின்வருமாறு,

1. அடில் ரஷீட், 2. அகீல் ஹொஸைன், 3. குடகேஷ் மோட்டி, 4. ரஷீட் கான், 5. வனிது ஹசரங்க, 6. ஜொஷ் ஹேசில்வூட், அன்றிச் நொர்கியா, 8. அடம் ஸாம்பா, 9. பஸல்ஹக் பரூக்கி, 10. மகேஷ் தீக்‌ஷன.

இந்நிலையில் மேற்குறித்த போட்டிகளில் 84 ஓட்டங்களைப் பெற்ற மே. தீவுகளின் நிக்கலஸ் பூரான், 12ஆம் இடத்திலிருந்து மூன்று இடங்கள் முன்னேறி ஒன்பதாமிடத்தையடைந்துள்ளார்.

முதல் 10 துடுப்பாட்டவீரர்களின் தரவரிசை பின்வருமாறு,

1. ட்ரெவிஸ் ஹெட், 2. சூரியகுமார் யாதவ், 3. பில் ஸோல்ட், 4. யஷஸ்வி ஜைஸ்வால், 5. பாபர் அஸாம், 6. மொஹமட் றிஸ்வான், 7. ஜொஸ் பட்லர், 8. ருத்துராஜ் கைகவாட், 9. நிக்கலஸ் பூரான், 10. பிரண்டன் கிங்.

முதல் ஐந்து சகலதுறைவீரர்களின் தரவரிசை பின்வருமாறு,

1. மார்க்கஸ் ஸ்டொய்னிஸ், 2. சிகண்டர் ராசா, 3. ஷகில் அல் ஹஸன், வனிது ஹசரங்க, 5. மொஹமட் நபி.

இதேவேளை இலங்கைக்கெதிரான முதலாவது டெஸ்டில் 88 ஓட்டங்களைப் பெற்ற இங்கிலாந்தின் ஹரி ப்ரூக், துடுப்பாட்டவீரர்களின் தரவரிசையில் ஏழாமிடத்திலிருந்து மூன்று இடங்கள் முன்னேறி நான்காமிடத்தையடைந்துள்ளார்.

இந்நிலையில், பங்களாதேஷுக்கெதிரான முதலாவது டெஸ்டில் 222 ஓட்டங்களைப் பெற்ற பாகிஸ்தானின் மொஹமட் றிஸ்வான், 17ஆம் இடத்திலிருந்து ஏழு இடங்கள் முன்னேறி 10ஆம் இடத்தை அடைந்துள்ளார்.

முதல் 10 துடுப்பாட்டவீரர்களின் தரவரிசை பின்வருமாறு,

1. ஜோ றூட், 2. கேன் வில்லியம்சன், 3. டரைல் மிற்செல், 4. ஹரி ப்ரூக், 5. ஸ்டீவன் ஸ்மித், 6. றோஹித் ஷர்மா, 7. யஷஸ்வி ஜைஸ்வால், 8. விராட் கோலி, 9. பாபர் அஸாம், 10. உஸ்மான் கவாஜா, மொஹமட் றிஸ்வான்.

இதேவேளை இங்கிலாந்துக்கெதிரான முதலாவது டெஸ்டில் 5 விக்கெட்டுகளைக் கைப்பற்றிய இலங்கையின் சுழற்பந்துவீச்சாளர் பிரபாத் ஜெயசூரிய, பந்துவீச்சாளர்களின் தரவரிசையில் 10ஆம் இடத்திலிருந்து ஓரிடம் முன்னேறி ஒன்பதாமிடத்தையடைந்துள்ளார்.

முதல் 10 பந்துவீச்சாளர்களின் தரவரிசை பின்வருமாறு,

1. இரவிச்சந்திரன் அஷ்வின், 2. ஜொஷ் ஹேசில்வூட், 3. ஜஸ்பிரிட் பும்ரா, 4. பற் கமின்ஸ், ககிஸோ றபாடா, 6. நேதன் லையன், 7. இரவீந்திர ஜடேஜா, 8. கைல் ஜேமிஸன், 9. பிரபாத் ஜெயசூரிய, 10. ஷகீன் ஷா அஃப்ரிடி.

முதல் ஐந்து சகலதுறைவீரர்களின் தரவரிசை பின்வருமாறு,

1. இரவீந்திர ஜடேஜா, 2. இரவிச்சந்திரன் அஷ்வின், 3. ஷகிப் அல் ஹஸன், 4. ஜோ றூட், 5. ஜேஸன் ஹோல்டர்.