இரண்டாமிடத்துக்கு முன்னேறிய சிகண்டர் ராசா

சர்வதேச கிரிக்கெட் சபையின் இருபதுக்கு – 20 சர்வதேசப் போட்டிகளுக்கான சகலதுறைவீரர்களுக்கான தரவரிசையில் இரண்டாமிடத்துக்கு சிம்பாப்வேயின் சிகண்டர் ராசா முன்னேறியுள்ளார்.

ஆப்கானிஸ்தானுக்கெதிரான முதலாவது போட்டியில் 3 விக்கெட்டுகளைக் கைப்பற்றியதுடன், இரண்டாவதில் 37, மூன்றாவதில் 51 ஓட்டங்களைப் பெற்ற நிலையிலேயே ஐந்தாமிடத்திலிருந்து மூன்று இடங்கள் முன்னேறி இரண்டாமிடத்தை ராசா அடைந்துள்ளார்.

இதேவேளை பங்களாதேஷுக்கெதிரான மூன்றாவது போட்டியில் 50 ஓட்டங்களைப் பெற்றதுடன், ஒரு விக்கெட்டைக் கைப்பற்றிய மேற்கிந்தியத் தீவுகளின் றொஸ்டன் சேஸ், ஒன்பதாமிடத்திலிருந்து ஆறு இடங்கள் முன்னேறி மூன்றாமிடத்தையடைந்துள்ளார்.

முதல் ஐந்து சகலதுறைவீரர்களின் தரவரிசை பின்வருமாறு,

1. சைம் அயூப், 2. சிகண்டர் ராசா, 3. றொஸ்டன் சேஸ், 4. ஹர்திக் பாண்டியா, 5. மொஹமட் நபி.

இந்தியாவுக்கெதிரான இரண்டாவது போட்டியில் 3 விக்கெட்டுகளைக் கைப்பற்றிய அவுஸ்திரேலியாவின் ஜொஷ் ஹேசில்வூட், பந்துவீச்சாளர்களுக்கான தரவரிசையில் 12ஆம் இடத்திலிருந்து இரண்டு இடங்கள் முன்னேறி 10ஆம் இடத்தை அடைந்துள்ளார்.

முதல் 10 பந்துவீச்சாளர்களின் தரவரிசை பின்வருமாறு,

1. வருண் சக்கரவர்த்தி, 2. அகீல் ஹொஸைன், 3. ரஷீட் கான், 4. வனிது ஹசரங்க, 5. அடில் ரஷீட், 6. நுவான் துஷார, 7. அடம் ஸாம்பா, 8. அப்ரார் அஹ்மட், 9. ஜேக்கப் டஃபி, 10. ஜொஷ் ஹேசில்வூட்.

முதல் 10 துடுப்பாட்டவீரர்களின் தரவரிசை பின்வருமாறு,

1. அபிஷேக் ஷர்மா, 2. பில் ஸோல்ட், 3. திலக் வர்மா, 4. பதும் நிஸங்க, 5. ஜொஸ் பட்லர், 6. ட்ரெவிஸ் ஹெட், 7. டிம் செய்ஃபேர்ட், 8. சூரியகுமார் யாதவ், 9. குசல் பெரேரா, 10. மிற்செல் மாஷ்.

இந்நிலையில் நியூசிலாந்துக்கெதிரான முதலாவது ஒருநாள் சர்வதேசப் போட்டியில் 3 விக்கெட்டுகளைக் கைப்பற்றிய இங்கிலாந்தின் ஜொஃப்ரா ஆர்ச்சர், பந்துவீச்சாளர்களுக்கான தரவரிசையில் ஐந்தாமிடத்திலிருந்து இரண்டு இடங்கள் முன்னேறி மூன்றாமிடத்தையடைந்துள்ளார்.

முதல் 10 பந்துவீச்சாளர்களின் தரவரிசை பின்வருமாறு,

1. ரஷீட் கான், 2. கேஷவ் மஹராஜ், 3. ஜொஃப்ரா ஆர்ச்சர், 4. மகேஷ் தீக்‌ஷன, 5. பெர்னார்ட் ஸ்கொல்ட்ஸ், 6. குல்தீப் யாதவ், 7. மிற்செல் சான்ட்னெர், 8. ஜொஷ் ஹேசில்வூட், 9. மற் ஹென்றி, 10. வனிது ஹசரங்க.

இது தவிர இங்கிலாந்துக்கெதிரான இரண்டாவது, மூன்றாவது போட்டியில் 44, 56 ஓட்டங்களைப் பெற்ற நியூசிலாந்தின் டரைல் மிற்செல், துடுப்பாட்டவீரர்களுக்கான தரவரிசையில் ஐந்தாமிடத்திலிருந்து இரண்டு இடங்கள் முன்னேறி மூன்றாமிடத்தையடைந்துள்ளார்.

முதல் துடுப்பாட்டவீரர்களின் தரவரிசை பின்வருமாறு,

1. றோஹித் ஷர்மா, 2. இப்ராஹிம் ஸட்ரான், 3. டரைல் மிற்செல், 4. ஷுப்மன் கில், 5. பாபர் அஸாம், 6. விராட் கோலி, 7. சரித் அசலங்க, 8. ஹரி டெக்டர், 9. ஷ்ரேயாஸ் ஐயர், 10. ஷாய் ஹோப்.

முதல் ஐந்து சகலதுறைவீரர்களின் தரவரிசை பின்வருமாறு,

1. அஸ்மதுல்லா ஓமர்ஸாய், 2. சிகண்டர் ராசா, 3. மொஹமட் நபி, 4. மெஹிடி ஹஸன் மிராஸ், 5. ரஷீட் கான்