இறுதிப் போட்டியில் பவ்லுசென்கோவா, கிரெஜ்சிகோவா

பிரெஞ்சுத் தலைநகர் பரிஸில் நடைபெற்று வரும் பிரெஞ்சுப் பகிரங்க டென்னிஸ் தொடரின் இறுதிப் போட்டிக்கு, ரஷ்யாவின் அனஸ்டசியா பவ்லுசென்கோவாவும், செக் குடியரசின் பார்பொரா கிரெஜ்சிகோவாவும் தகுதி பெற்றுள்ளனர்.

நேற்று நடைபெற்ற தனது அரையிறுதிப் போட்டியில், ஸ்லோவேனியாவின் தமாரா ஸிடன்செக்கை எதிர்கொண்ட பவ்லுசென்கோவா, 7-5, 6-3 என்ற நேர் செட்களில் வென்று இறுதிப் போட்டிக்குத் தகுதி பெற்றிருந்தார்.

இதேவேளை, தனது அரையிறுதிப் போட்டியில், கிரேக்கத்தின் மரியா சக்கரியை எதிர்கொண்ட கிரெஜ்சிகோவா, 7-5, 4-6, 9-7 என்ற செட் கணக்கில் வென்று இறுதிப் போட்டிக்குத் தகுதி பெற்றிருந்தார்.