உடற்றகுதி பெறுதில் வோணர் உறுதி

அவுஸ்திரேலியாவின், பிறிஸ்பேணில், நாளை மறுதினம் ஆரம்பமாகவுள்ள இங்கிலாந்துக்கெதிரான முதலாவது டெஸ்டில் பங்கேற்பதற்கான உடற்றகுதியை அடைந்து விடுவேன் என்பதில் அவுஸ்திரேலிய அணியின் உப அணித்தலைவர் டேவிட் வோணர் உறுதியாகவுள்ளார்.

எவ்வாறெனினும், களத்தடுப்பு பயிற்சியொன்றின்போது கழுத்தில் உபாதைக்குள்ளான டேவிட் வோணர், வலைப்பயிற்சியின்போது இரண்டு எறிகளை மாத்திரமே இன்று எதிர்கொண்டிருந்தார் என்பது குறிப்பிடத்தக்கது.

பின்புறமாக ஓடி, உயர்ந்து வந்த பந்தொன்றை பிடியெடுத்தபோதே கழுத்தில் உபாதைக்குள்ளான டேவிட் வோணர், உடனடியாக சிகிச்சைக்காக, அவுஸ்திரேலிய அணியின் உடற்கூற்று நிபுணரான டேவிட் பீக்லியிடம் சென்றிருந்தார்.

பின்னர் துடுப்பெடுத்தாடுவதற்காக வலைபயிற்சிக்கு வந்த டேவிட் வோணர், அவுஸ்திரேலிய அணியின் துடுப்பாட்டப் பயிற்றுவிப்பாளரான கிறேமி ஹிக்கிடமிருந்து இரண்டு எறிகளை மட்டும் எதிர்கொண்ட பின்னர் வலைப்பயிற்சியிலிருந்து விலகியிருந்தார்.