எல்.பி.எல்: அரையிறுதியில் யாழ்ப்பாணம், தம்புள்ளை

இலங்கையின் உள்ளூர் இருபதுக்கு – 20 தொடரான லங்கா பிறீமியர் லீக்கின் அரையிறுதிப் போட்டிகளுக்கு ஜஃப்னா ஸ்டாலியன்ஸ், தம்புள்ள வைக்கிங் ஆகியன தகுதிபெற்றுள்ளன.

ஹம்பாந்தோட்டையில் நேற்று நடைபெற்ற தம்புள்ளவுடனான போட்டியில் கோல் கிளாடியேட்டர்ஸ் தோற்றதைத் தொடர்ந்தே, புள்ளிகள் பட்டியலில் தலா எட்டுப் புள்ளிகளுடன் முதலிரண்டு இடங்களிலுமுள்ள யாழ்ப்பாணம், தம்புள்ள ஆகியன அரையிறுதிப் போட்டிகளுக்குத் தகுதிபெற்றுள்ளன.

ஏனெனில் இதுவரை விளையாடியுள்ள ஐந்து போட்டிகளிலும் தோற்று இறுதியிடத்திலுள்ள காலி எஞ்சியுள்ள மூன்று போட்டிகளில் வென்றாலும் அதிகபட்சமாக ஆறு புள்ளிகளையே பெற முடியும்.

ஸ்கோர் விவரம்:

நாணயச் சுழற்சி: தம்புள்ள

தம்புள்ள: 207/4 (20 ஓவ. ) (துடுப்பாட்டம்: உப்புல் தரங்க 77 (54), நிரோஷன் டிக்வெல்ல 60 (37), தசுன் ஷானக 37 (21) ஓட்டங்கள். பந்துவீச்சு: மொஹமட் ஆமிர் 0/23 [4], தனுஷ்க குணதிலக 0/23 [3])

காலி: 198/7 (20 ஓவ. ) (துடுப்பாட்டம்: தனுஷ்க குணதிலக 78 (52), அஸாம் கான் 55 (24) ஓட்டங்கள். பந்துவீச்சு: அன்வர் அலி 3/37 [4], தசுன் ஷானக 1/10 [2])

போட்டியின் நாயகன்: அன்வர் அலி