ஐ. அமெரிக்க பகிரங்கத் தொடர்: நான்காவது சுற்றில் பெடரர்

ஐக்கிய அமெரிக்க பகிரங்க டென்னிஸ் தொடரின் நான்காவது சுற்றுப் போட்டிக்கு உலகின் இரண்டாம் நிலை வீரரான சுவிற்ஸர்லாந்தின் ரொஜர் பெடரர் தகுதிபெற்றுள்ளார்.

20 கிரான்ட் ஸ்லாம் பட்டங்களை வென்றுள்ள ரொஜர் பெடரர், நேற்று  இடம்பெற்ற தனது மூன்றாவது சுற்றுப் போட்டியில், 6-4, 6-1, 7-5 என்ற நேர் செட்களில் அவுஸ்திரேலியாவின் நிக் கிர்யோஜிஸை வென்றே நான்காவது சுற்றுப் போட்டிக்குத் தகுதிபெற்றிருந்தார்.

இதேவேளை, உலகின் நான்காம் நிலை வீரரான ஜேர்மனியின் அலெக்ஸான்டர் ஸவ்ரேவ், நேற்று  இடம்பெற்ற தனது மூன்றாவது சுற்றுப் போட்டியில் 7-6 (7-1), 4-6, 1-6, 3-6 என்ற செட் கணக்கில் சக ஜேர்மனிய வீரரான பிலிப் கொஷ்னைடரிடம் தோல்வியடைந்து தொடரிலிருந்து வெளியேறினார்.

இந்நிலையில், உலகின் ஆறாம் நிலை வீரரும் 13 தடவைகள் கிரான்ட் ஸ்லாம் பட்டங்களை வென்றவருமான சேர்பியாவின் நொவக் ஜோக்கோவிச், நேற்று  இடம்பெற்ற தனது மூன்றாவது சுற்றுப் போட்டியில், 6-2, 6-3, 6-3 என்ற நேர் செட்களின் பிரான்ஸின் றிச்சர்ட் கஸ்கட்டை வென்று நான்காவது சுற்றுக்குத் தகுதிபெற்றார்.

இதேவேளை, உலகின் ஏழாம் நிலை வீரரான குரோஷியாவின் மரின் சிலிச், நேற்று  இடம்பெற்ற தனது மூன்றாவது சுற்றுப் போட்டியில் 4-6, 3-6, 6-3, 6-4, 7-5 என்ற செட் கணக்கில் அவுஸ்திரேலியாவின் அலெக்ஸ் டி மினோரை வென்று நான்காவது சுற்றுப் போட்டிக்குத் தகுதிபெற்றார்.

இந்நிலையில், உலகின் நான்காம் நிலை வீராங்கனையான ஜேர்மனியின் அங்கெலிக் கேர்பர், நேற்று  இடம்பெற்ற தனது மூன்றாவது சுற்றுப் போட்டியில், 3-6, 6-3, 6-3 என்ற செட் கணக்கில் ஸ்லோவாக்கியாவின் டொமினிக்கா சிபுல்கோவாவிடம் தோல்வியடைந்து தொடரிலிருந்து வெளியேறினார்.

இதேவேளை, உலகின் ஐந்தாம் நிலை வீராங்கனையான செக் குடியரசின் பெட்ரா குவிற்றோவா, நேற்று  இடம்பெற்ற தனது மூன்றாவது சுற்றுப் போட்டியில், 5-7, 1-6 என்ற நேர் செட்களில் பெலாரஸின் அர்ய்னா சபலெங்காவிடம் தோல்வியடைந்து தொடரிலிருந்து வெளியேறினார்.

இந்நிலையில், உலகின் ஆறாம் நிலை வீராங்கனையான பிரான்ஸின் கரோலின் கர்சியா, நேற்று  இடம்பெற்ற தனது மூன்றாவது சுற்றுப் போட்டியில், 7-5, 4-6, 6-7 (4-7) என்ற செட் கணக்கில் ஸ்பெய்னின் கார்லா சுவாரச் நவரோவாவிடம் தோல்வியடைந்து தொடரிலிருந்து வெளியேறினார்.

இதேவேளை, உலகின் 10ஆம் நிலை வீராங்கனையான இலத்தீவியாவின் ஜெலீனா ஒஸ்டபென்கோ, நேற்று  இடம்பெற்ற தனது மூன்றாவது சுற்றுப் போட்டியில் 3-6, 2-6 என்ற நேர் செட்களில் உலகின் முன்னாள் முதல்நிலை வீராங்கனையான ரஷ்யாவின் மரியா ஷரபோவாவிடம் தோல்வியடைந்து தொடரிலிருந்து வெளியேறினார்.