சௌதாம்டனை வென்றது டொட்டென்ஹாம் ஹொட்ஸ்பர்

இங்கிலாந்து கால்பந்தாட்டக் கழகங்களுக்கிடையே இடம்பெற்றுவரும் பிறீமியர் லீக் தொடரில், நேற்று (28) இடம்பெற்ற போட்டியொன்றில், சௌதாம்டடன் அணியை டொட்டென்ஹாம் ஹொட்ஸ்பர் அணி தோற்கடித்தது.

டொட்டென்ஹாம் ஹொட்ஸ்பர் அணி, 4-1 என்ற கோல் கணக்கில் சௌதாம்டனைத் தோற்கடித்திருந்தது. டொட்டென்ஹாம் ஹொட்ஸ்பர் அணி சார்பாக, டெலே அல்லி இரண்டு கோல்களையும், ஹரி கேன், சண் ஹெயுங்-மின் ஆகியோர் தலா ஒவ்வொரு கோல்களையும் பெற்றனர்.

இப்போட்டியில் வெற்றிபெற்றதன் மூலம் 36 புள்ளிகளைப் பெற்றுள்ள டொட்டென்ஹாம் ஹொட்ஸ்பர், இங்கிலாந்து பிறீமியர் லீக் தரவரிசையில் ஐந்தாவது இடத்தில் உள்ளது.