சார்ள்ட்டனின் சாதனையை சமப்படுத்தினார் றூணி

இங்கிலாந்து கால்பந்தாட்டச் சங்கத் (எஃப்.ஏ) தொடரில், றீடிங் அணிக்கெதிரான மூன்றாவது சுற்றுப் போட்டியொன்றில், கோலொன்றைப் பெற்ற மன்செஸ்டர் யுனைட்டெட்டின் வெய்ன் றூணி, மன்செஸ்டர் யுனைட்டெட்டுக்காக அதிக கோல்கள் பெற்றவர் என்ற பொபி சார்ள்ட்டனின் சாதனையை சமப்படுத்தியுள்ளார்.

31 வயதான றூணி, 543 போட்டிகளில் 249 கோல்களைப் பெற்றுள்ளார். இந்த அடைவானது, சார்ள்ட்டன் எடுத்துக்கொண்ட போட்டிகளை விட 215 போட்டிகளும், நான்கு பருவங்களும் குறைவாகும்.

குறித்த போட்டியில், 4-0 என்ற கோல் கணக்கில் மன்செஸ்டர் யுனைட்டெட் வெற்றிபெற்றது. இதேவேளை, ஏனைய எஃப்.ஏ கிண்ண மூன்றாவது சுற்றுப் போட்டிகளில், ஆர்சனல், 2-1 என்ற கோல் கணக்கில் பிரஸ்டன் நோர்த் என்டைத் தோற்கடித்ததுடன், லெய்செஸ்டர் சிற்றி, 2-1 என்ற கோல் கணக்கில் எவெர்ற்றனைத் தோற்கடித்திருந்தது.