சமநிலையில் மட்ரிட் – வலெக்கனோ போட்டி

ஸ்பானியக் கால்பந்தாட்டக் கழகங்களுக்கிடையிலான லா லிகாத் தொடரில், றயோ வலெக்கனோவின் மைதானத்தில் நடைபெற்ற அவ்வணியுடனான போட்டியை 1-1 என்ற கோல் கணக்கில் றியல் மட்ரிட் சமப்படுத்தியிருந்தது.

மட்ரிட் சார்பாகப் பெறப்பட்ட கோலை ஜொசெலு பெற்றதோடு, வலெக்கனோ சார்பாகப் பெறப்பட்ட கோலை றாவுல் டி தோமஸ் பெற்றிருந்தார்.

லா லிகா புள்ளிகள் பட்டியலில் 62 புள்ளிகளுடன் முதலாமிடத்தில் மட்ரிட் உள்ளது. 56 புள்ளிகளுடன் இரண்டாமிடத்தில் ஜிரோனாவும், 54 புள்ளிகளுடன் மூன்றாமிடத்தில் நடப்புச் சம்பியன்களான பார்சிலோனாவும், 51 புள்ளிகளுடன் நான்காமிடத்தில் அத்லெட்டிகோ மட்ரிட்டும் உள்ளன. இதில் ஜிரோனா ஒரு போட்டி குறைவாக விளையாடியுள்ளது.