சமநிலையில் றியல் – அத்லெட்டிகோ போட்டி

ஸ்பானியக் கால்பந்தாட்டக் கழகங்களுக்கிடையிலான லா லிகா தொடரில், அத்லெட்டிகோ மட்ரிட்டின் மைதானத்தில் நேற்றிரவு நடைபெற்ற அவ்வணிக்கும், நடப்புச் சம்பியன்கள் றியல் மட்ரிட்டுக்குமிடையிலான போட்டியானது 1-1 என்ற கோல் கணக்கில் சமநிலையில் முடிவடைந்தது.

றியல் மட்ரிட் சார்பாகப் பெறப்பட்ட கோலை கரிம் பென்ஸீமா பெற்றிருந்த நிலையில், அத்லெட்டிகோ மட்ரிட் சார்பாகப் பெறப்பட்ட கோலை லூயிஸ் சுவாரஸ் பெற்றிருந்தார்.

இப்போட்டி முடிவில், லா லிகா புள்ளிகள் தரவரிசையில், 59 புள்ளிகளுட்டன் முதலாமிடத்தில் அத்லெட்டிகோ மட்ரிட் உள்ளது. 56 புள்ளிகளுடன் இரண்டாமிடத்தில் பார்சிலோனாவும், 54 புள்ளிகளுடன் மூன்றாமிடத்தில் றியல் மட்ரிட்டும், 48 புள்ளிகளுடன் நான்காமிடத்தில் செவில்லாவுமுள்ளன. இதில், றியல் மட்ரிட்டும், பார்சிலோனாவும் மற்றைய இரண்டு அணிகளை விட்ட ஒரு போட்டி அதிகமாக விளையாடியுள்ளன.