சம்பியன்ஸ் லீக் இறுதிப் போட்டியில் றியல் மட்ரிட்

ஐரோப்பிய கால்பந்தாட்டச் சங்கங்களின் ஒன்றியத்தின் சம்பியன்ஸ் லீக் தொடரின் இறுதிப் போட்டிக்கு ஸ்பானிய லா லிகா கழகமான றியல் மட்ரிட் தகுதி பெற்றுள்ளது.

ஜேர்மனிய புண்டெஸ்லிகா கழகமான பயேர்ண் மியூனிச்சின் மைதானத்தில் நடைபெற்ற அவ்வணியுடனான முதலாவது சுற்று அரையிறுதிப் போட்டியை 2-2 என்ற கோல் கணக்கில் சமப்படுத்திய றியல் மட்ரிட், தமது மைதானத்தில் இன்று அதிகாலை நடைபெற்ற இரண்டாவது சுற்று அரையிறுதிப் போட்டியில் 2-1 என்ற கோல் கணக்கில் இறுதி நேரத்தில் வென்று 4-3 என்ற மொத்த கோல் கணக்கில் இறுதிப் போட்டிக்குத் தகுதி பெற்றது.

மட்ரிட் சார்பாகப் பெறப்பட்ட இரண்டு கோல்களையும் ஜொசெலு பெற்றதோடு, மியூனிச் சார்பாகப் பெறப்பட்ட கோலை அல்போன்ஸோ டேவிஸ் பெற்றிருந்தார்.