சம்பியன்ஸ் லீக்: வெளியேற்றப்பட்ட பரிஸ் ஸா ஜெர்மைன்

ஐரோப்பிய கால்பந்தாட்டச் சங்கங்களின் ஒன்றியத்தின் சம்பியன்ஸ் லீக்கிலிருந்து பிரெஞ்சு லீக் 1 கழகமான பரிஸ் ஸா ஜெர்மைன் வெளியேற்றப்பட்டுள்ளது.

ஜேர்மனிய புண்டெலிஸ்கா கழகமான பொரூசியா டொட்டமுண்டின் மைதானத்தில் நடைபெற்ற அவ்வணியுடனான முதலாவது சுற்று அரையிறுதிப் போட்டியில் 0-1 என்ற கோல் கணக்கில் தோற்ற பரிஸ் ஸா ஜெர்மைன், தமது மைதானத்தில் இன்று அதிகாலை நடைபெற்ற இரண்டாவது சுற்று அரையிறுதிப் போட்டியிலும் 0-1 என்ற கோல் கணக்கில் தோற்று 0-2 என்ற மொத்த கோல் கணக்கில் தோற்று தொடரிலிருந்து வெளியேறியது.

டொட்டமுண்ட் சார்பாகப் பெறப்பட்ட கோலை மட்ஸ் ஹம்மெல்ஸ் பெற்றிருந்தார்.