சின்னரை வீழ்த்தியதையடுத்து முதலாமிடத்தில் அல்கரஸ்

ஐக்கிய அமெரிக்க பகிரங்க டென்னிஸ் தொடரில் முதல்நிலை வீரராகவிருந்த ஜனிக் சின்னரை வீழ்த்தி சம்பியனானதையடுத்து முதலாமிடத்துக்கு ஸ்பெய்னின் கார்லோஸ் அல்கரஸ் முன்னேறியுள்ளார்.

இரண்டாமிடத்திலிருந்து ஓரிடம் முன்னேறி முதலாமிடத்தை திங்கட்கிழமை (08) தரப்படுத்தல் இற்றைப்படுத்தலில் அல்கரஸ் அடைந்துள்ளார். இத்தாலியின் சின்னர் முதலாமிடத்திலிருந்து ஓரிடம் கீழிறங்கி இரண்டாமிடத்தில் காணப்படுகின்றார்.

இதேவேளை அரையிறுதிப் போட்டி வரையில் ஐ. அமெரிக்க பகிரங்கத் தொடரில் முன்னேறிய சேர்பியாவின் நொவக் ஜோக்கோவிச், ஏழாமிடத்திலிருந்து மூன்று இடங்கள் முன்னேறி நான்காமிடத்தையடைந்துள்ளார்.

இந்நிலையில் ஐ. அமெரிக்க பகிரங்கத் தொடரில் இறுதிப் போட்டி வரை முன்னேறிய ஐ. அமெரிக்காவின் அமந்தா அனிசிமோவா, ஒன்பதாமிடத்திலிருந்து ஐந்து இடங்கள் முன்னேறி பெண்களுக்கான தனிநபர் தரவரிசையில் நான்காமிடத்தையடைந்துள்ளார்.