செல்சியிலிருந்து வெளியேறும் என்ஸோ பெர்ணாண்டஸ்?

இங்கிலாந்து பிறீமியர் லீக் கால்பந்தாட்டக் கழகமான செல்சியின் மத்தியகளவீரரான என்ஸோ பெர்ணாண்டஸ் தனதிடத்தை அணியில் இழந்துள்ள நிலையில் அவரைக் கைச்சாத்திட ஸ்பானிய லா லிகா கழகமான பார்சிலோனாவும், இத்தாலிய சீரி ஏ கழகமான இன்டர் மிலனும் ஆர்வம் காட்டுவதாகத் தெரிவிக்கப்படுகிறது.

செல்சியுடன் 2032ஆம் ஆண்டு வரையில் ஒப்பந்தத்தைக் கொண்டு பெர்ணாண்டஸ் தனதிடத்துக்காக போராடுவதில் உறுதியாயுள்ளாரெனக் கூறப்படுகின்றபோதும், சில மாதங்களாக மாற்று வீரராக இருந்தால் தொடர்ந்தும் அணியில் இருப்பதில்லையென அவர் முடிவெடுத்துள்ளதாகக் குறிப்பிடப்படுகிறது.