செல்டா விகோவிடம் தோற்ற பார்சிலோனா

ஸ்பானியக் கால்பந்தாட்டக் கழகங்களுக்கு இடையிலான லா லிகா தொடரில், பார்சிலோனாவின் மைதானத்தில் நேற்றிரவு நடைபெற்ற அவ்வணிக்கும், செல்டா விகோவுக்கும் இடையிலான போட்டியில், 1-2 என்ற கோல் கணக்கில் பார்சிலோனா தோற்றது.

பார்சிலோனா சார்பாகப் பெறப்பட்ட கோலை லியனல் மெஸ்ஸி பெற்றதோடு, செல்டா விகோ சார்பாகப் பெறப்பட்ட இரண்டு கோல்களையும் சன்டி மினா பெற்றிருந்தார்.

அந்தவகையில், லா லிகா புள்ளிகள் பட்டியலில் 83 புள்ளிகளுடன் முதலாமிடத்தில் அத்லெட்டிகோ மட்ரிட்டுள்ளது. 81 புள்ளிகளுடன் இரண்டாமிடத்தில் நடப்புச் சம்பியன்களான றியல் மட்ரிட்டும், 76 புள்ளிகளுடன் மூன்றாமிடத்தில் பார்சிலோனாவும், 74 புள்ளிகளுடன் நான்காமிடத்தில் செவில்லாவும் காணப்படுகின்றன.