ஜக் வோனருக்கு ஆயுட்காலத்தடை

கால்பந்தாட்ட நடவடிக்கைகளில்  ஈடுபடுவதற்கு சர்வதேச கால்பந்தாட்ட சம்மேளத்தின் (பிபா) முன்னாள் பிரதித் தலைவரான ஜக் வோனருக்கு ஆயுட்காலத்தடை விதிக்கப்பட்டுள்ளது.

ட்ரினிநாட்டைச் சேர்ந்த 72 வயதான வோனர், கரீபியன் மற்றும் வடக்கு மற்றும் மத்திய அமெரிக்க கால்பந்தாட்ட சம்மேளத்தின் (கொன்ககவ்) முன்னாள் தலைவராவார். எனினும் இவர் 2011ஆம் ஆண்டிலியே பிபாவிலிருந்து விலகியிருந்தார்.

இவர் ஊழல் குற்றச்சாட்டுக்களுக்கு எதிர்நோக்கியிருக்கும் நிலையில் விசாரணைகளுக்காக ஐக்கிய அமெரிக்காவுக்கு நாடு  கடத்தப்படும் அபாயத்தை எதிர்நோக்கியுள்ளார். எனினும் கையூட்டாக மில்லியன் கணக்கான அமெரிக்க டொலர்களை பெற்றதை அவர் மறுத்துள்ளார்.