தோற்ற நடப்புச் சம்பியன்கள் பயேர்ண் மியூனிச்

ஜேர்மனியக் கால்பந்தாட்டக் கழகங்களுக்கிடையிலான புண்டெஸ்லிகா தொடரில், மைன்ஸ் 05 அணியின் மைதானத்தில் நேற்று நடைபெற்ற அவ்வணியுடனான போட்டியில் 1-3 என்ற கோல் கணக்கில் நடப்புச் சம்பியன்களான பயேர்ண் மியூனிச் தோற்றது.

அந்தவகையில் புண்டெஸ்லிகா புள்ளிகள் பட்டியலில் 60 புள்ளிகளுடன் முதலாமிடத்தில் பொரூசியா டொட்டமுண்ட் உள்ளது. 59 புள்ளிகளுடன் இரண்டாமிடத்தில் மியூனிச்சும், 52 புள்ளிகளுடன் மூன்றாமிடத்தில் யூனியன் பேர்லினும், 51 புள்ளிகளுடன் நான்காமிடத்தில் ஆர்.பி லெய்ப்ஸிக்கும் காணப்படுகின்றன. இதில் பேர்லினும், லெய்ப்ஸிக்கும் ஒரு போட்டி குறைவாக விளையாடியுள்ளன.