நடப்புச் சம்பியனை வென்ற தியெம்

பிரித்தானியாவின் தலைநகர் இலண்டனில் நடைபெற்றுவரும் தொழில்முறை டென்னிஸ் வீரர்கள் சங்க இறுதிப் போட்டிகள் தொடரில், நேற்றிரவு நடைபெற்ற குழுநிலைப் போட்டியில் நடப்புச் சம்பியனான ஸ்டெபனோஸ் சிட்டிபாஸை உலகின் மூன்றாம்நிலை வீரரான டொமினிக் தியெம் வென்றார்.

உலகின் ஆறாம்நிலை வீரரான கிரேக்கத்தின் சிட்டிபாஸை 7-6 (7-5), 4-6, 6-3 என்ற செட் கணக்கில் ஒஸ்திரியாவின் தியெம் வென்றிருந்தார்.

இதேவேளை, இன்று அதிகாலை நடைபெற்ற இன்னொரு குழுநிலைப் போட்டியில் 6-3, 6-4 என்ற நேர் செட்களில் உலகின் எட்டாம்நிலை வீரரான ரஷ்யாவின் அன்ட்ரே ருப்லெவ்வை உலகின் இரண்டாம் நிலை வீரரான ஸ்பெய்னின் ரஃபேல் நடால் வென்றிருந்தார்.