நான்காமிடத்துக்கு முன்னேறிய மெஹிடி ஹஸன்

சர்வதேச கிரிக்கெட் சபையிம் ஒருநாள் சர்வதேசப் போட்டிகளுக்கான (ODI) பந்துவீச்சாளர்களின் தரவரிசையில், நான்காமிடத்துக்கு பங்களாதேஷின் சுழற்பந்துவீச்சாளர் மெஹிடி ஹஸன் முன்னேறியுள்ளார்.

மேற்கிந்தியத் தீவுகளுக்கெதிரான மூன்று போட்டிகள் கொண்ட ஒருநாள் சர்வதேசப் போட்டிகளில் ஏழு விக்கெட்டுகளை வீழ்த்தியதைத் தொடர்ந்தே, 13ஆம் இடத்திலிருந்து ஒன்பது இடங்கள் முன்னேறி நான்காமிடத்தை அடைந்துள்ளார்.

இதேவேளை, குறித்த தொடரில் ஆறு விக்கெட்டுகளைக் கைப்பற்றிய பங்களாதேஷின் வேகப்பந்துவீச்சாளர் முஸ்தபிசூர் ரஹ்மான், 19ஆம் இடத்திலிருந்து 11 இடங்கள் முன்னேறி எட்டாமிடத்தை அடைந்துள்ளார்.

முதல் 10 பந்துவீச்சாளர்களின் தரவரிசை பின்வருமாறு,

1. ட்ரெண்ட் போல்ட், 2. முஜீப் உர் ரஹ்மான், 3. ஜஸ்பிரிட் பும்ரா, 4. மெஹிடி ஹஸன், 5. கிறிஸ் வோக்ஸ், 6. ககிஸோ றபாடா, 7. ஜொஷ் ஹேசில்வூட், 8. முஸ்தபிசூர் ரஹ்மான், 9. மொஹமட் ஆமிர், 10. பற் கமின்ஸ்.

முதல் 10 துடுப்பாட்டவீரர்களின் தரவரிசை பின்வருமாறு,

1. விராட் கோலி, 2. ரோஹித் ஷர்மா, 3. பாபர் அஸாம், 4. றொஸ் டெய்லர், 5. ஆரோன் பின்ஞ்ச், 6. பப் டு பிளெஸி, 7. டேவிட் வோணர், 8. கேன் வில்லியம்ஸன், 9. குயின்டன் டி கொக், 10. ஜொனி பெயார்ஸ்டோ.

முதல் ஐந்து சகலதுறைவீரர்களின் தரவரிசை பின்வருமாறு,

1. ஷகிப் அல் ஹஸன், 2. மொஹமட் நபி, 3. கிறிஸ் வோக்ஸ், 4. பென் ஸ்டோக்ஸ், 5. இமாட் வசீம்.