பாகிஸ்தான் திரும்பினார் இர்பான்

பாகிஸ்தான் அணியின் வேகப்பந்து வீச்சாளர் மொஹமட் இர்பான், அவுஸ்திரேலியாவிலிருந்து பாகிஸ்தானுக்குத் திரும்பியுள்ளார். அவரது தாய், காலமாகியுள்ளதையடுத்தே, அவர் நாட்டுக்குத் திரும்பியுள்ளார்.

34 வயதான இர்பான், கடந்தாண்டு செப்டெம்பருக்குப் பின்னர், உபாதைகள் காரணமாகப் போட்டிகளில் விளையாடியிருக்கவில்லை. உடற்றகுதியை அவர் நிரூபித்ததையடுத்தே, அவுஸ்திரேலியாவுக்கான குழாமில் அவர் சேர்க்கப்பட்டிருந்தார்.

தற்போது அவர் நாட்டுக்குத் திரும்பியுள்ளதால், வெள்ளிக்கிழமை ஆரம்பிக்கவுள்ள ஒருநாள் சர்வதேசப் போட்டித் தொடரின் பெரும்பாலான போட்டிகளில், இர்பான் பங்குபற்றமாட்டார் என எதிர்பார்க்கப்படுகிறது.