பொய் சொன்னாரா தாக்கூர்?

லோதா செயற்குழுவின் நடவடிக்கைகள் குறித்து, சர்வதேச கிரிக்கெட் சபையிடம் கடிதம் கோரியமை குறித்து, இந்திய கிரிக்கெட் கட்டுப்பாட்டுச் சபையின் தலைவர் அநுரக் தாக்கூர், பொய் கூறினாரா என்ற கேள்வி எழுந்துள்ளது.

லோதா செயற்குழுவின் நடவடிக்கைகள், கிரிக்கெட் சபைக்குள் அரசாங்கத் தலையீடு என்ற நிலையை ஏற்படுத்துமா என்பது தொடர்பில், சர்வதேச கிரிக்கெட் சபையிடம் விளக்கம் கோரியதாகவே, அநுரக் தாக்கூர், உச்சநீதிமன்றத்தில் குறிப்பிட்டிருந்தார்.

ஆனால், சர்வதேச கிரிக்கெட் சபையின் தவிசாளர் ஷஷாங் மனோகரின் கருத்துப்படி, லோதா செயற்குழுவின் தலையீடு, அரசாங்கத் தலையீடாக அமையுமெனவும் அதனால் சர்வதேச கிரிக்கெட் சபையிலிருந்து இடைநிறுத்தம் செய்யப்படும் ஆபத்து உள்ளது தெரிவிக்கும் கடிதத்தையே, தாக்கூர் கோரியுள்ளார். எனவே, உச்சநீதிமன்றத்தில், தாக்கூர் பொய் கூறினாரா என்பதே, தற்போதுள்ள கேள்வியாக உள்ளது.