பக்கியோ தோல்வி; சம்பியனானார் ஹோர்ண்

உலக குத்துச்சண்டை அமைப்பின், 63.5 தொடக்கம் 66.7 கிலோகிராம் வரையிலான எடைப் பிரிவுக்கான சம்பியன் போட்டியில், உலகச் சம்பியன் மனி பக்கியோவை வீழ்த்திய ஜெப் ஹோர்ண், அதிர்ச்சி வெற்றிபெற்றார்.

பிறிஸ்பேணில் இடம்பெற்ற இப்போட்டியில், 29 வயதான, முன்னாள் பாடசாலை ஆசிரியரான ஹோர்ண், ஆக்ரோஷமான விளையாட்டை வெளிப்படுத்தி, 117-111, 115-113, 115-133 என்ற புள்ளிகள் கணக்கில், 12 சுற்றுகளின் பின்னர் வெற்றிபெற்றார்.

38 வயதான பக்கியோ, தனது காலத்தில் தோன்றிய மிகச்சிறந்த வீரர்களுள் ஒருவராகக் கருதப்படுவதோடு, அவர் குறுகிய நேரத்தில் வெற்றிபெற்று விடுவார் என, அவரது அணியினரே தெரிவித்திருந்தனர். இந்நிலையிலேயே அவர் அதிர்ச்சிகரமாகத் தோல்வியடைந்துள்ளார்.