பப்புவா நியூ கினியை வீழ்த்திய இலங்கை

ஐக்கிய அரபு அமீரகத்தின் அபு தாபியில் இன்ன்று நடைபெற்ற பப்புவா நியூ கினியுடனான சர்வதேச கிரிக்கெட் சபையின் இருபதுக்கு – 20 உலகக் கிண்ண பயிற்சிப் போட்டியில் இலங்கை வென்றது.

இப்போட்டியில் முதலில் துடுப்பெடுத்தாடிய இலங்கை, பத்தும் நிஸங்கவின் 76 (58), அவிஷ்க பெர்ணான்டோவின் 61 (37) ஓட்டங்களோடு 20 ஓவர்களில் 5 விக்கெட்டுகளை இழந்து 162 ஓட்டங்களை இலங்கை பெற்றிருந்தது.

பதிலுக்கு, 163 ஓட்டங்களை வெற்றியிலக்காகக் கொண்டு துடுப்பெடுத்தாடிய பப்புவா நியூ கினி, 20 ஓவர்களில் 7 விக்கெட்டுகளை 124 ஓட்டங்களையே பெற்று 38 ஓட்டங்களால் தோல்வியடைந்தது. பந்துவீச்சில், வனிடு ஹஸரங்க 4-0-16-2, துஷ்மந்த  சமீர 4-1-20-2, தசுன் ஷானக 1-0-5-1, சாமிக கருணாரத்ன 4-0-30-1, மஹேஷ் தீக்‌ஷன 4-0-34-1 என்ற பெறுதிகளைக் கொண்டிருந்தனர்.