பரிஸ் ஸா ஜெர்மைனுக்குச் செல்லும் றாமோஸ்?

பிரெஞ்சு லீக் 1 கழகமான பரிஸ் ஸா ஜெர்மைனுக்கு, ஸ்பானிய லா லிகா கழகமான றியல் மட்ரிட்டின் அணித்தலைவர் சேர்ஜியோ றாமோஸ் செல்வார் என எதிர்பார்க்கப்படுகிறது.

றாமோஸுக்கு பருவகாலமொன்றுக்கு 15 மில்லியன் யூரோக்கள் பெறுமதியானதொரு மூன்றாண்டு ஒப்பந்தமொன்றை பரிஸ் ஸா ஜெர்மைன் வழங்கியதாகக் கூறப்படுகிறது.

புதிய ஒப்பந்தமொன்று தொடர்பில் றியல் மட்ரிட்டும், றாமோஸும் முறுகலொன்றில் உள்ளதாகத் தெரிவிக்கப்படுகிறது.

நடப்பு பருவகாலத்துடன் றாமோஸின் ஒப்பந்தம் முடிவடைகின்ற நிலையில், இரண்டாண்டு ஒப்பந்தமொன்றையே றியல் மட்ரிட் வழங்குவதாகக் கூறப்படுகிறது.